వశీకరణము

మనసు వాకిట్లో నిలబడి,

ప్రేమగా పిలుస్తుందది.

నా కోసమే, కేవలం నా కోసమే

మధురమైన గీతాలను,

మృదువుగా ఆలాపిస్తూ,

రా రమ్మని ఆహ్వానిస్తుందది.

శరీరంలోని అణవణువును,

చూపులతోనే నిమురుతూ,

తలుపులు కొంచం దోరగా తెరవమంటు,

ప్రాధేయపడుతుందది.

నీ ఆనందం కోసమే,

హృదయోల్లాసం కోసమే కదా నేనని,

జ్ఞానాన్ని చుట్టుముట్టి,

ఉక్కిరి బిక్కిరి చేస్తు,

దీనంగా వేడుకుంటుందది.

నా కర్ధమవుతూనే వుంది,

ఇక సమయం మరింతగా లేదని,

వశం తప్పడానికో,

లోబడడానికో,

ఈ ఊబిలో దిగబడడానికో......

అనుకోవడానికి ఇంకేముంటుంది,

ఆ ఒక్కటి వదలి వెళ్లాక.