Pages

30 August 2012

మెరుపుల మెప్పులు


వాగులు వంకలు,
ఎన్ని హోయలతో సాగినా,
చివరకు వాటికి,
చినుకే కదా, గతి.
తళతళ మెరిసే,
మెరుపుల మెప్పులు,
శాశ్వితమనుకొని మురిసావంటే,
తప్పదు నీకు అధోగతి.

26 August 2012

ఘనీభవించిన స్పందన


ఇక్కడేదో ప్రాబ్లెమ్ వుంది,
కనికనిపించకుండా వున్నా,
తీవ్రమైనదేలావుంది.
డయాగ్నైస్ చేయడం వీలవుతుందా !
E.C.G లు, X-ray లు గట్రా తీయించాలా !!
ఓ రెండు మాత్రలతో నయమవుతుందా ?
పెద్దాపరేషన్ చేయించాలా ?
అప్పటికైన బాగువుతుందా…….
ఏమో మనం ఏం చేయగలం,
మంచిని ఆశించడం తప్ప!
దేవుని పై భారం వేయడం తప్ప!!
ప్రశ్నలతో మనసు తిప్పుతుంది.
ఇలా ఎందుకయ్యిందనో,
ఎలా మొదలైందనో………..
అభావమైన భావం,
మళ్ళీ చిగురిస్తుందా ?
ఘనీభవించిన స్పందన
మళ్లీ ప్రవహిస్తుందా ?

23 August 2012

ఒకానొక ఫీలింగ్ – 35



నిను చూడాలని,
ఇంత కాలము, వేచి వేచి
ఎదురు చూసిన, ఈ కన్నులు,
అనుకోని ఆనందపు దాడికి,
తట్టుకోలేకేమో సుమా!
ఇలా భావరహితముగా,........




20 August 2012

గ్లోబల్ వామింగ్ – భారతదేశం పై ప్రభావం ( 1st part )




గత కొన్ని సంపత్సరాలుగా  పర్యావరణ స్పృహ కలిగిన వారందరిలోను రగులుతూ, ఆందోళన రేపుతున్న రేపటి మహాసమస్య, అత్యంత వేగంగా విస్తరిస్తూ భయపెడుతున్న పెను ప్రమాదం గ్లోబల్ వామింగ్.

మన భూమిని ఆవరించివున్న,  వాతావరణంలోని వాయువుల సమతుల్యత, ఈ భూగోళాన్ని  కోటానుకోట్ల జీవరాశులకు ఆవాసయోగ్యంగా  మార్చగలిగింది. ఈ విశాల విశ్వంలో జీవగ్రహంగా భూమికి,  ప్రత్యేకతను ఆపాదించగలిగింది. ఈ భూమిని అత్యంత వేడిగాను లేదా అతి శీతలంగాను కాకుండా ప్రాణులకు తగినంత ఉష్ణోగ్రతను అందించుటలో ఈ వాతావరణం పాత్ర చాలా ముఖ్యమైనది.

భూవాతావరణంలో  నైట్రోజన్, ఆక్సిజన్ వాయువులు
99 శాతం వరకు ఉన్నప్పటికి, చాలా చాలా తక్కువ మోతాదులలో వుండే కార్భన్ డై ఆక్సైడ్, మీథేన్, నీటి ఆవిరి, నైట్రస్ ఆక్సైడ్ వంటి కొన్ని వాయువులు, భూమిని వెచ్చగా వుంచడంలో అత్యంత కీలకమైన పాత్ర పోషిస్తున్నాయి. భూమి నుంచి పరావర్తనమై, తిరిగి అంతరిక్షంలోనికి వెళ్లిపోయే  సూర్యుని  ఉష్ణశక్తిని, భూవాతావరణంలోనే నిల్వవుండే విధంగా చేయడం ఈ వాయువులు చేసే ముఖ్యమైన పనులలో ఒకటి. దాని వలన భూమి జీవావరణానికి అనుకూలమైన పరిస్థితులను కలిగి వుండి, తగినంత వెచ్చగా వుండగలిగింది. ఈ వాయువుల సహకారం లేకపోతే భూమి ఇంకా, మంచు యుగంలోనే వుండి వుండేది. అందువలననే ఈ వాయువులను, హరితవాయువులు అని అంటారు.
ఈ వాయువులు కలుగచేయు ప్రభావాన్ని గ్రీన్ హౌస్ ఎఫెక్ట్ అంటారు. 

ఇంత ఉపయోగకరమైన ఈ హరితవాయువులు, మనకిప్పుడు ఎందుకు ప్రాణాంతకంగా పరిణమించబోతున్నాయో, తెలుసుకోవలసిన సమయమిది. అత్యంత సహజమైన ఈ గ్లోబల్ వామింగ్ ప్రక్రియ, ప్రకృతిలో మానవుని మీతిమీరిన జోక్యంతో పెరుగుతూ, సకల జీవులకు ఎలా అనర్ధదాయకంగా మారబోతుందో 
అర్ధంచేసుకువాల్సిన తరుణమిది.

18 August 2012

నీ దేహపు స్పర్శా ప్రసాదం......



నీవు పలికిన
అర్థం లేని మాటలు కూడా,
వేణునాదమై, వీణావాదమై
ఈ బీడుకి తొలకరి జల్లై,
ఈ నాటికి, అలవోకగా అలాఅలా,
జీవాన్ని విత్తుతూనే వున్నాయ్,
నీ, నా జ్ఞాపకాలై........

ఇరుకిరుకు రోడ్లల్లో,
నీతో పాటు నడుస్తున్నప్పుడు,
నీ దేహపు స్పర్శా ప్రసాదం,
ఈ దాహార్తికి, అమృతమై,
నన్నింకా, వోత్తుకుంటున్నట్లే వుంది, సుమా!!

9 August 2012

కృత్రిమ గుండె చప్పుళ్లు



కనిపిస్తున్నవి, వినిపిస్తున్నవి
రాస్తున్నవి, చదివిస్తున్నవి
ఆఖరికి స్పర్శిస్తున్నవి కూడా,
కృత్రిమ గుండె చప్పుళ్లే.

తెంపుకొచ్చామో,
తెగ్గొట్టుకొచ్చామో,
వెతుక్కొని మోసుకొచ్చామో
ఆర్తో, ఆర్ధ్రతో
స్పందనో, కన్నీరో
కోపమో, భయమో!!!
ఎక్కడక్కడివో , కూడగట్టి
పోగేయడమే.
వాటిలోంచి, అక్షరాలను
వెతుక్కొచ్చి, అతికించుకోవడమే!
నావి కాని పదాలతో,
నన్ను నేను తూట్లు పొడుచుకోవడమే,
సహజత్వం సుదూర స్వప్నమై,
జడత్వమే జీవన జాడ్యమై.....
ఇదంతా,
నన్ను నేను పారేసుకోవడమే,
నా నుంచి, నేను నిష్క్రమించడమే.

8 August 2012

Loving birthday rhyme



ఎప్పుడో రాసిన
 ఓ చిన్న పుట్టినరోజు కవితలాంటి వాక్యాలు,
ఇంగ్లీష్ లో సరదాగా రాసిన నాలిగింటిలో ఇదొకటి. 
తెలుగే అంతంత మాత్రం,
 ఇక ఇంగ్లీష్ ఎందుకంటారా,హ,హ......

Loving birthday rhyme 
Which day gave,
An innocent nice sensitive girl 
to this world,

Which day brought,
Some special beauty to the nature,

Which day shares,
The sparkle joys of near and dear,

Which day adds,
Honey coted colourful thoughts
 to her friends,

A day which sings,
Loving birthday rhyme for her,

"O GOD", I am thankful to you,
For giving that day, Her birthday.


(ఈ రోజు ఇంగ్లీష్ కవయిత్రి సారాటీజ్డేల్ పుట్టినరోజు కూడా.)

7 August 2012

ఒకానొక ఫీలింగ్ – 33



నీ నవ్వులు చాలు, సుమా
నా వేదన తీరుటకు.
నీ మాటలు చాలు, చెలి
ఆనందం పొందుటకు.
నీ స్పర్శే చాలు, సఖి
లోకాన్నే మరుచుటకు.

6 August 2012

హిరోషిమా డే, సడాకో-కాగితపు పక్షులు పుస్తక సమీక్ష




ఈ రోజు హిరోషిమానగరం పై అణదాడి జరిగిన రోజు (ఆగస్ట్ 6,1945), ప్రపంచశాంతిని కోరుకుంటూ, వెలువడిన ఒక చిన్నపుస్తకాన్ని పరిచయం చేస్తున్నాను. నా తొలి పుస్తకసమీక్ష ఇది. 


సడాకో,కాగితపు పక్షులు – 35 పేజీల చిన్న పుస్తకం, ఒక యధార్థ కథ. చదివినంత సేపు కంటతడి పెట్టించి అణుయుధ్ద ప్రమాదాలను, ప్రభావాన్ని ఆవేదనతో తెలియచేస్తుంది.

హిరోషిమా నగరంలో నివసించిన ఒక చిన్నారి పాప, సడాకో. అణుబాంబు ప్రమాదం నుంచి బయటపడేనాటికి సడాకో వయసు 2 సంవత్సరాలు. రేడియో ధార్మిక ధూళి తాకిడికి గురైన ఆ పాప 11సంవత్సరాల వయస్సు దాకా ఆనందంగానే గడుపుతుంది, పరుగు పందెంలో కళ్లుతిరిగి పడిపోయేవరకు.  బడి నుండి నేరుగా ఆసుపత్రిలోని అణువ్యాధుల ప్రత్యేకవిభాగంలో చేర్చబడుతుంది.   రేడియో ధార్మికత  వలన లుకేమియా(రక్తకాన్సర్)కి గురైందని వైద్యులు నిర్ధారిస్తారు.
జబ్బులోపడ్డ ఎవరైన వేయికాగితపు పక్షులు చేస్తే, దేవుడు వారిని ఆరోగ్యవంతులని చేస్తాడని స్నేహితురాలు చుజూకో, ఒక బంగారు రంగు కాగితపు పక్షిని బహుమతిగా ఇస్తుంది. కొత్త ఉత్సాహం, కొండత నమ్మకంతో సడాకో సుసాకి పక్షులు చేయడం మొదలుపెడుతుంది. సడాకో అన్న మాసాహిరో వాటిని దారంతో పైకప్పుకి వేలాడాదీస్తుంటాడు. అవి గాలికి ఊగుతూ ఆపాపకి మరింత నమ్మకాన్ని కలిగిస్తుంటాయి. ఆసుపత్రిలో పరిచయమైన కెంజి అనే పాప మరణంతో దిగులు పడిపోయిన సడాకో తరువాత మరణించబోయేది నేనేనా అని అందరిని అడుగుతుంది. వేయి పక్షులు పూర్తిచేయి, నీకేమి కాదని దైర్యం చెప్తారు అందరు.
ముదిరిన వ్యాధితో, సహకరించని చేతులతో,బంగారు రంగు కాగితపు పక్షిని గుండెలకు హత్తుకోని, గాలికి ఊగుతున్న 644 పక్షులను చూస్తూ,ఒక్కసారి బలంగా ఊపిరితీసుకోని, కళ్లుమూసుకుంటుంది, ఆ చిన్నారి కళ్లు ఇక మళ్లీ తెరుచుకోలేదు.1955 అక్టోబర్ 25 వ తేదిన సడాకో మరణించింది.
హిరోషిమా శాంతి ఉద్యానవనంలో, రెండు చేతులతో కాగితపు పక్షిని పట్టుకొన్న సడాకో స్థూపాన్ని బడి పిల్లలందరు చందాలు పోగుచేసి, కట్టిస్తారు.
దానిపైన ఇలా రాసివుంది.
ఇవే మా కన్నీళ్ళు.
ఇవే మా వేడుకోళ్ళు.
ప్రపంచంలో శాంతి వెల్లివిరియాలి.

10 రూపాయల ఈ చిన్న పుస్తకానికి మూలం ఎలీనార్ కోయిర్ రాసిన 
 sadako and the thousand paper cranes.
దీనిని తెలుగులోకి అనువదించినది కె.సురేశ్, ప్రచురణ జన విజ్ఞాన వేదిక ప్రచురణల విభాగం.
ఏ పాపము తెలియకుండానే యుద్దానికి బలైన ఇలాంటి చిన్నారులెందరో.
శాంతిని ఆకాంక్షించే ప్రతి ఒక్కరు చదవాల్సిన పుస్తకం ఇది.






5 August 2012

మంచి స్నేహితుడు



దారులన్నీ మూసుకుపోతున్నప్పుడు,
తానే ఓ దారై, వెలుగు చూపేవాడు,
జారిన కన్నీటిని,
గుండెల్లో దాచుకొని,
ఓదార్పునిచ్చేవాడు,
కష్టాలలో కూరుకుపోయి,
ఏకాకినైనపుడు,
నీకు నేనున్నానని,
తోడైనిలిచేవాడు,
జీవితం ప్రతిమలుపులోను,
అలా గుర్తుకొస్తు,
అందమైన జ్ఞాపకంగా,
మిగిలిపోయేవాడు,
మంచి స్నేహితుడౌతాడేమో, కదా.....!

"అందరికి స్నేహితుల దినోత్సవ శుభాకాంక్షలు"

4 August 2012

కలల కత్తుల ఉచ్చు



నిరంతరం నీ జ్ఞాపకాలిక్కడ,
గస్తీ కాస్తుంటాయ్,
కునుకు కంటి దరి చేరకుండా.
ఎలాగోలా తప్పించుకొని,
పారిపోతానా అక్కడ నుంచి,
కలల కత్తుల ఉచ్చులో చిక్కుకొని,
విలవిలలాడిపోతాను, సుమా నేను.

3 August 2012

శవాల పైన కవితాక్షరాలు,ద్విపదలు




బెర్త్ దొరికిందని, సంబర పడ్డాడు.

పై లోకాలకని, తెలుసుకోలేక.

---------------------

నవ్వుతూ చెప్పారు, తుది వీడ్కోలు,

అనంత లోకాల, ఆఖరు పయనానికి.

---------------------------

అగ్ని ప్రళయం మసైంది , బోగి.

ఒకే దూకు, చావు నుంచి బతుకుకి.

--------------------------

యుగాంతం వ్యక్తిగతం.

అర్ధమైంది, అగ్ని కబళిస్తున్నప్పుడు.

----------------------------------

చావుకి, బతుకుకి,సన్నని గీత.

రైలు బోగిలో, ఆ మెలుకువ.

--------------------------------

సెలవు దొరక్క, ప్రయాణం ఆగింది.

ప్రాణదాత, ఆ ఆఫీసర్.

---------------------

మెరిసే భవిష్యత్తుకి, పయనమైనారు.

టిక్కెట్టు ఖరీదు,ఓ జీవితం.

---------------------
గాఢనిద్రలో, పీడ కలలేమో,

కాలిన శరీరాల,హాహాకారాలు.

------------------------

భార్యాబిడ్డ, బయటపడ్డారు.

భర్త శవం ఆనందిస్తుందేమో.

--------------------

గుర్తు పట్టలేని, దేహం రోదిస్తుంది.

విలపిస్తున్న,రక్తబంధాన్ని చూసి.

---------------------------

కళాత్మకంగా ఏరాడు, కవి.

శవాల పైన కవితాక్షరాలు.

(రాయకుడదు అనుకున్నా, రాసినందుకు సిగ్గుపడుతున్న)