గ్లోబల్ వామింగ్ – భారతదేశం పై ప్రభావం ( 1st part )

గత కొన్ని సంపత్సరాలుగా  పర్యావరణ స్పృహ కలిగిన వారందరిలోను రగులుతూ, ఆందోళన రేపుతున్న రేపటి మహాసమస్య, అత్యంత వేగంగా విస్తరిస్తూ భయపెడుతున్న పెను ప్రమాదం గ్లోబల్ వామింగ్.

మన భూమిని ఆవరించివున్న,  వాతావరణంలోని వాయువుల సమతుల్యత, ఈ భూగోళాన్ని  కోటానుకోట్ల జీవరాశులకు ఆవాసయోగ్యంగా  మార్చగలిగింది. ఈ విశాల విశ్వంలో జీవగ్రహంగా భూమికి,  ప్రత్యేకతను ఆపాదించగలిగింది. ఈ భూమిని అత్యంత వేడిగాను లేదా అతి శీతలంగాను కాకుండా ప్రాణులకు తగినంత ఉష్ణోగ్రతను అందించుటలో ఈ వాతావరణం పాత్ర చాలా ముఖ్యమైనది.

భూవాతావరణంలో  నైట్రోజన్, ఆక్సిజన్ వాయువులు

99 శాతం వరకు ఉన్నప్పటికి, చాలా చాలా తక్కువ మోతాదులలో వుండే కార్భన్ డై ఆక్సైడ్, మీథేన్, నీటి ఆవిరి, నైట్రస్ ఆక్సైడ్ వంటి కొన్ని వాయువులు, భూమిని వెచ్చగా వుంచడంలో అత్యంత కీలకమైన పాత్ర పోషిస్తున్నాయి. భూమి నుంచి పరావర్తనమై, తిరిగి అంతరిక్షంలోనికి వెళ్లిపోయే  సూర్యుని  ఉష్ణశక్తిని, భూవాతావరణంలోనే నిల్వవుండే విధంగా చేయడం ఈ వాయువులు చేసే ముఖ్యమైన పనులలో ఒకటి. దాని వలన భూమి జీవావరణానికి అనుకూలమైన పరిస్థితులను కలిగి వుండి, తగినంత వెచ్చగా వుండగలిగింది. ఈ వాయువుల సహకారం లేకపోతే భూమి ఇంకా, మంచు యుగంలోనే వుండి వుండేది. అందువలననే ఈ వాయువులను, హరితవాయువులు అని అంటారు.

ఈ వాయువులు కలుగచేయు ప్రభావాన్ని గ్రీన్ హౌస్ ఎఫెక్ట్ అంటారు. 

ఇంత ఉపయోగకరమైన ఈ హరితవాయువులు, మనకిప్పుడు ఎందుకు ప్రాణాంతకంగా పరిణమించబోతున్నాయో, తెలుసుకోవలసిన సమయమిది. అత్యంత సహజమైన ఈ గ్లోబల్ వామింగ్ ప్రక్రియ, ప్రకృతిలో మానవుని మీతిమీరిన జోక్యంతో పెరుగుతూ, సకల జీవులకు ఎలా అనర్ధదాయకంగా మారబోతుందో 
అర్ధంచేసుకువాల్సిన తరుణమిది.

ఒక మొక్క నాటుదాం

ప్రపంచ పర్యావరణ దినోత్సవ శుభాకాంక్షలు.

           గ్రీన్ ఎకానమి

మన ప్రపంచం కోసం మనమేం చేయగలం 

1. మొక్కలు నాటగలం. చెట్ల ను కాపాడగలం.

       2.నీటిని వృధా చేయకుండా, పొదుపు చేయగలం.

                                                                 

3.వారానికి ఒక రోజయిన సొంత వాహనాన్ని పక్కన పెట్టి, 

పబ్లిక్ ట్రాన్సపోర్ట్ ఉపయోగించగలం.

4.తక్కువ దూరాలు నడవగలం, సైకిల్ వాడగలం.

పెట్రోల్ ఆదా చేయగలం.

5. అనవసరమైన చోట బల్బులు, ఫాన్ లు, ఎ.సి లు ఆపి, విద్యుత్ ఆదా చేయగలం.

6. ప్లాస్టిక్ బ్యాగ్ లను వాడకుండా వుండగలం.