Pages

28 January 2013

హైకూలు -1



కొండచరియ
గొర్రెల మందలతో
సంభాషిస్తుంది.



చెట్టు నీడలో
ఈగలు తోల్తు తోక,
కదుల్తూ గేదె,.



వర్ష ఋతువు
నిండిన చెరువులో
దూకుతూ కప్ప.,



ఎండు కొమ్మని
రంగురంగుల పూలు
హత్తుకున్నాయ్.,

25 January 2013

మనిషి మూలతత్వం.




1
దారిచూపే వాడొకడు, వెంటనడిచేవాడొకడు
రాసేవాడొకడు,చదివేవాడొకడు
వెంపర్లాడుతూ వెంటాడేవాడొకడు
ఇచ్చేవాడొకడు,అనుభవించేవాడొకడు
వెతికేవాడొకడు,నసుగుతూ బతికేవాడొకడు
అసంతృప్తే కదా,,,ఈ జీవిత చోదక రాగం
2
వేకువై వెలిగే వాడొకడు,చీకటై బతికేవాడొకడు
అతి తెలివితేటలతో తర్కించేవాడొకడు
చచ్చుపుచ్చు తలపులతో తల్లడిల్లేవాడొకడు
ప్రేమించేవాడొకడు, పొడిచి చంపేవాడొకడు
నిరంతర తుత్తరతో చిత్తకార్తె కుక్క ఒకడు
బలహీనతే కదా.,.ఈ బతుకు అసలు పాట
3
అడుక్కుతింటూ అలమటించేవాడొకడు
అన్నీ వున్నా, అర్రులుచాచే వాడొకడు
కొరుక్కుతింటున్న కోరికలతో
కుష్టురోగై మిగిలేవాడొకడు
ఏమి సాధించామంటూ
ఏడుస్తూ వెళ్లిపోయేవాడొకడు
దరిద్రమే కదా,., ఈ లోకపు దివ్యగీతం.
4
విర్రవీగువాడొకడు,భ్రమించువాడొకడు
సేవలో ఒకడు, కీర్తికై ఒకడు
తనను చూసి తాను మురియువాడొకడు
మూర్ఖత్వమే మేలను మేధావి ఒకడు
జ్ఞానినంటూ డప్పుకొట్టువాడొకడు
అమాయకత్వమే కదా,., ఈ మనిషి మూలతత్వం.

22 January 2013

అర్ధభేతాళం




దృతరాష్ట్రుని బిగి పరిరమ్భము
ధీర్ఘకోశికై, ధూమధ్వజుడై
దిగ్గునలేచి, దగ్ధమైనది.

వర్త్యము నిండా పిసాళి కక్షము
పుష్పమంజరై, పులిపెంజరమై
రిరక్షవునకు దుర్భరమైనది.

కీకారణ్యం కుళ్లబొడుస్తు
చెత్తకుప్పలో కుళ్లిన శవమై
పదాల సంగతి ఏమోగాని,
భావం మాత్రం భేతాళుని ప్రశ్నే.

అర్ధ అర్ధమే అద్భుతమంటూ,
స్పష్టత ఎందుకు వ్యర్ధం అంటూ
వివేకవంతుని జ్ఞానపు గీతం
అల్పునికెపుడు అర్థం కాదు.

17 January 2013

arjun nidigallu || Survive ||





If I could go back in time

I wonder if I‘d see

A better man than what I am

Some body I was meant to be,.





Sometimes it feels so right 

Like it was always here

Sometimes it makes me think

Regret is, Oh, so near,.




I want to run, I want to hide

Insane is love, ungrateful life

This world is done, don’t even toy 

To tell me why, I should survive




If I go back in time

I know that I would see

A better man that who I am

Somebody I was meant to be.




I know I can’t turn back time


No , I can’t turn back time,….

15 January 2013

O.C కవిత్వం



పురిటినొప్పల తల్లి
గుడ్డి దీపపు గుడిసె
ఆరుబయట తాగి, తూలుతుండే
అర ఎకరపు మెట్టతండ్రి.

బోసినవ్వుల బిడ్డ
భూమి పైకి వచ్చే
రెండు కొమ్ముల బిడ్డ
వెనుక తోక తోటి.

వారసత్వముగా అబ్బే
సంకుచితమనే జబ్బు
ఎంత పేద అయిన
వాడు  O.C  బిడ్డ

వాడు చిన్ని బతుకు
వోటి కుండే అయిన
ఎవడికి పట్టని
ఆ బిడ్డ  O.T బిడ్డ 

8 January 2013

నాకోక స్మృతి కావాలి,.




ధృక్పధ వైరుధ్యాలు, చారిత్రిక సంవాదాలు,
విషాదాత్మక పురాతన సంపుటాలనుంచి,
ఒక్కోక్క రక్తపు కణంలో పోగైవున్న,
వేల సంవత్సరాల నిరంతర విధులనుంచి,
నిరాటంక నిధులనుంచి,
సౌందర్యాత్మక క్రతువుల గతం నుంచి,.
గుట్టులుగుట్టలుగా పేరుకుపోయిన,
ఉత్కృష్ట జ్ఞానపుకాంతులతో.
సాంప్రదాయాలను అంగీకరించలేనంతగా,
నా మస్తిష్కం పరిఢవిల్లుతున్నప్పుడు,
 నాకోక స్మృతి కావాలి,
దివ్యావేశభరిత లోతుల్లోకి,
సునాయసంగా పయనించడానికి,
సాంద్రీకరించబడిన వ్యామోహం,
పాక్షికంగానైనా విరళీకరించబడటానికి,
నేను నేను గా మిగలడానికి,
నాకోక స్మృతి కావాలి,.
ఏ ఋషులదో,ప్రవక్తలదో, మహాద్రష్టలదో,..

7 January 2013

ఒక దారి కోసం



ఏది గమ్యం ఏది సత్యం
మిత్రమా నాకేది మార్గం
వేల వలలు పరచబడినవి
అనంత దుఃఖపు లోతులున్నవి
శిఖరమల్లే సంతోషమున్నది
అంతులేనివై ఆశాపాశం
శృంఖలాలై బంధించుచున్నవి,.
ఏది సత్యం ఏది గమ్యం
మిత్రమా నాకేది మార్గం
రాగద్వేషం లోకపురీతై
ప్రపంచమంతా కదనరంగమై
అహంకారమే కాలసర్పమై
కదలికలేని కభోధినైతిని
వెలుగులు ఎరుగని  నిశిధినైతిని
ఏది మోహమో, ఏది మోక్షమో
కనుగొనలేక కన్నీరు కార్చితి.
నన్ను నన్నుగా నిలిపే మంత్రం
సర్వబంధాలు ఛేదించే తంత్రం
ఎండమావులై మిగిలిన వైనం
ఏది గమ్యం ఏది సత్యం
మిత్రమా నాకేది మార్గం.