గుగాగీలు-15

@ గురువుగారు, పుస్తకమొకటి దొరికింది,

భాష తెలియదు.. ఏం పుస్తకమో ఇది,.

మీ దివ్యదృష్టితో చూసి సెలవిస్తారా స్వామి.

#ఇది కవిత్వ పుస్తకంరా,. నాయినా

@ఆహ, మీ దివ్యదృష్టి అమోఘం స్వామి,

క్షణం లో చెప్పేసారు, సమాధానాన్ని.

#ఒరేయ్ పిచ్చి శిష్యా,. దివ్యదృష్టలేదు,

గాడిదగుడ్డు లేదు,. ప్రపంచంలో ఎక్కడైనా సరే,.

అక్షరాలు తక్కువ, ఖాళీలు ఎక్కువ వుండే

ఒకే ఒక్క పుస్తకం,,. కవిత్వమేరా,.

ఒకటో తరగతి అక్షరాల బుక్కు తరువాత.,

గుగాగీలు - 9

  

# శిష్యా ,ఇంతకాలమూ,.

నన్ను కీర్తిస్తూ,.కాల్లోత్తుతూ,కాకాలుపడుతూ,

ఆహో,,.నీ శుశ్రూషలకు మెచ్చాను,.కోరుకో నాయనా,.కోరుకో,,.

నీకేం కావాలో కోరుకో,. వరమిచ్చేస్తానిక, నీకు,...

@ గురవు గారు,. మహాకవిని కావలనే నా కలను ,

మీ మహిమతో తీర్చేయండి,.స్వామి,..

అంటూ నాలిక బయట పెట్టాడు శిష్యుడు,.

# అయ్యో,.నాయనా ,,ఎంత పని చేస్తివిరా,.

నాలికలపై గీస్తే కవులయ్యే రోజులా ఇవి.,

ఇవే శుశ్రూషణాలు,.ఏ కాకాలు తీరిన కవుల దగ్గరో,.

పత్రికాదుర్గాల దగ్గరో,,.కవితా ముఠాధిపతుల దగ్గరో,.

చేసుంటే,,.ఈ పాటికే పెద్దకవిగా వెలిగిపోయేవాడివిగదరా,.

నన్ను, క్షమించు శిష్యూ,,క్షమించు,.

గుగాగీలు - 5

# ఒరేయ్,.శిష్యా ఎందుకలా,.

పాతకవిత్వంతో కుస్తీ పడుతూ,.

తల బొప్పికట్టించుకుంటావ్,..

ప్రశాంతంగా రాసుకోరాదూ,..

ఆధునికాంతర కొత్త కవిత్వం,.

@ యే పాతా,.కొత్త క్యా హై గుగా,..

# పిచ్చ (passion) తో  రాసేది పాతకవిత్వం ,...

చదివినోడికి పిచ్చెక్కించేది,..కొత్త కవిత్వం శిష్యా,..

గుగాగీలు - 4

@ గురువు గారు,,నాకవిత్వానికి ఓ బ్రాండింగ్ కావాలి స్వామి,.

లేకుంటే పక్కన బాండ్ వేసేటోళ్లు దొరకడం లేదు,.

# రెండు ముద్రలు సిద్దంగా వున్నాయిరా ,శిష్యా నీ కోసం,..

@ సెలవియ్యండి స్వామి,..ఆత్రుతగావుంది,.నాకు,..

# మొదటిది,,.

స్వతహాగానే నువ్వు నకవిత్వవాదివి,,,.

@ అంటే ఏంటి స్వామి,.

# రాసేదాంట్లో కించిత్కవిత్వమేమి లేకపోయినా,,.

కవిత్వమని భ్రమ పడేవాళ్లంతా ఈ వాదులే నాయనా,,.

@ ఆహా,..ఏమీ చెప్పారు గుగా,,..

రెండో ముద్ర గుద్దేయండింక, త్వరగా,.. ప్రచారానికెళ్లాలి,..

# కవిత్వాన్ని నిరసిస్తూ కవిత్వం రాయడం నాయనా,..

అందంతా కవిత్వ నిందా వాదం,.షార్ట్ కట్లో అది కుకవిత్వంశిష్యా,.. 

@ మహా సంతోషం గుగా,.,.నాకూ రెండు బ్రాండ్లతో,

కొత్త ఇమేజీని  ప్రసాదించినందుకు,..

నీ నిరంతర నకవిత్వ,కుకవిత్వవాద కవిత్వంతో వర్ధిల్లు నాయానా,...

గుగాగీలు - 3

@ఇక కవిత్వాన్ని వదిలేద్దామనుకుంటున్నాను గురువు గారు ,

#నాలుగు మాటలు చెప్తాను,

.వింటావా నాయానా,.

@చెప్పండి స్వామి,.మీరంతకంటే చేయగలిగేదేముంది కాని,..

# వేసుకున్నంత సులభంగా, తీసిపారెయ్యడానికి

అదేమన్నా భుజాన కండవా అనుకున్నావా,.

కవిత్వం కన్నా కవిత్వం అది,.

@ ఇక,రెండో మాట చెప్పండి, స్వామి

# కూరుకుపోవడం తెలుసా ఊబిలో,.

బయట పడాలని ప్రయత్నేంచే కొద్ది,

మరంత లోతుగా, మరంత బలంగా,

ఇరుక్కుపోతావ్,లొపల్లోపలే,.

ఇక మిగిలింది,.మునిగిపోవడమే,...

@అంతేనంటారా స్వామి,..అయితే,..మూడో మాట చెప్పెయండిక,..

# పద్మప్యూహం గుర్తుందిగా,..

ప్రవేశమే కాని,.మరలరావడం వుండదు,.

కవిత్వమూ అంతే,.

అంటించుకోవటం తప్ప,

వదిలించుకోవడం వుండదు,..

కడతేరిపోవడమే కాని,

కళ్లు తెరుచుకోవడం వుండదు,.

@దిస్ ఈజ్ టూ మచ్ గుగా,..

కళ్లు తిరుగుతున్నాయ్ నాకు,.

చివరిది చెప్పండిక,..వెళ్తాను,..

# కాష్మోరాని ప్రయోగించాడా,..చెప్పు,.

క్షణంలో వదలకొడతాను,.

కవిత్వం ఆవహించాక,.

ఏ కాద్రాలు  కాపాడలేడు,..

వాడి ఖర్మకి వాడ్ని వదిలేయడం తప్ప.,.

చివరి సీన్ - పడిపోయిన శిష్యుడి మొఖం మీద నీరు చిలుకరిస్తున్న గుగా,..

note,. కాద్ర ,. తులసీ నవలలో మంత్రగాని పేరు,..

గుగాగీలు -2

@గురువుగారు,..ఓ సందేహం

అడుగునాయనా,..

@బలమైన కవిత్వం ఎలా రాయాలి స్వామి,..

ముందు కొన్ని కొత్త బూతులు నేర్చుకో నాయనా,..

తరువాత చెబుతాను, కవిత్వం సంగతి,...

------------------------------

కళ్లలో వెలుగు నింపుకొని,.

ఇలా అన్నాను,.ఎదురుగా కూర్చున్న అమాయకులతో

ఆలోచనలను చిదిమి, పెట్టే దీపాన్నే,

కవిత్వమంటారు నాయనలారా,..

వెనకనుంచి వెటకారపు వాక్కు ఇలా వినిపించింది,.

బుర్రలను చిధ్రం చేసేదాన్ని కాదా,.అంటూ,.

హతవిధీ,...

గుగాగీలు

గురువు గారి గీతోపదేశాలు

@ గురువుగారు,

# చెప్పు నాయినా......

@ అక్కడో కవి,

రాసిన ప్రతి కవిత,

అద్భుతం స్వామి,,,,

# పోయి, దర్శించుకో  శిష్యా,...

దేవుడై ఉంటాడు.
------------------------------------

@  గురువు గారు,,

 # మళ్లీ ఏంటి నాయినా....

@ కవిత రాసుకొచ్చా స్వామి,..

# ఎలా వుందో,.....

@ గొప్పగా వచ్చింది తండ్రి..., శ్రీశ్రీనో, తిలకో రాసినట్లు,

# చించి, ఇంకోటి రాసుకురా,నీలా,...

నీవు మిగులుతావ్.,,,
------------------------------------------

@ గురువు గారు,.

,,,,,,,,,,,,,,,,,,,,,,,

పేపరు ముక్క తప్ప,

మరేమి లేదక్కడ.,

ఈ నాలుగు ముక్కలు తప్ప,..

నీ కిటికీలోంచి ,

ప్రపంచాన్ని చూడు,

స్వతంత్రుడవవుతావ్.

నీ కిటికీనే,

ప్రపంచమనుకుంటే,

మూర్ఖుడివవుతావ్.

------------------------------