స్వజాలి

ఎంత ప్రగాఢతను పుష్పిద్దామనుకుంటానో,

అంత పేలవంగా వాడిపోతుంటాను, ,.

జీవనదుల్ని పారించాలనుకుంటాను,

చిన్న ఊటనైన దక్కించుకోలేక

సిగ్గుపడుతుంటాను నేను,.

చండప్రచండమై ప్రజ్వరిల్లాలనుకుంటాను,

వెలిగించుకోలేని దీపమై,

చీకట్లో మిగులుతుంటాను, ,.

జీవితాన్నే కవిత్వంగా మార్చాలనుకొంటాను,

చిన్న వాక్యాన్ని కూడా చేజిక్కించుకోలేక,

దిగులుపడుతుంటాను నేను,.

అలజడులు తగ్గుతున్నకొద్ది,

ప్రతిబింబం స్పష్టమవుతుంది,.