Pages

30 June 2014

గమ్యం



అన్నీ వున్న చోట కూడా
ఆరాట పడుతున్నావంటే,
ఏమీ లేని చోటుకు
నువ్వు పయనిస్తున్నవని అర్థం
అని నేను అంటున్నప్పుడు

నువ్వంటావు, వగరుస్తూ

నా దృష్టిలో
నువ్వునుకున్న అన్నీ
చాలా స్వల్పమైనవని
లేదా నేనుకున్న వాటిలో ఓ చిన్న భాగమని.
ఆ విషయం నీకెందకు అర్థం కాదని.

అక్బర్ సమాధి గురించి కొన్ని విషయాలు.


ఆగ్రా లోని సికింద్రాలో వున్న అక్భర్ సమాధి గురించిన కొన్ని విషయాలు చూస్తూ, విందామా,.


28 June 2014

కమురు నేల



ఎక్కడో ఒకడు కాలిపోతాడు,
కాసేపు దుఃఖించి, కొద్ది కన్నీరు కార్చావా?
ఇక నీకు మానవత్వం వున్నట్లే.

విశ్లేషించుకుని సంఘటనను
కొన్నికారణాల మీద నిలబడి
ఎవడెవడినో తిట్టి,  కాస్త నోటి దూల తీర్చుకున్నావా?
ఇక నీకు కాస్త,. సామాజిక చైతన్యం వున్నట్లే.

టి ఆర్ పి రేటింగ్ లను లెక్కలేసుకొని
కాలిపోయిన దేహాల మీద
విషాద సంగీతాన్ని ఒలకపోసి ,
ఇంకాస్తా ఆకర్షించావా ఎవరినైనా.
అయితే నీలో ఒక  మీడియా మొఘల్ నిద్రలేచినట్లే.

చచ్చిన శవాల లెక్కల్లో, వాటి పరామర్శల్లో
అదే పనిగా ఓ రెండు రోజులు తిరిగి
నోటి నిండా విషాదాని, ఎక్స్గ్రేషియా సంచుల ఆశల్ని
అక్కడికక్కడే విసిరి పారేసావా, గజనీవై
నీలో ఓ రాజకీయనాయకుడు అవతరించినట్లే.

ఇంకేమీ చేయలేక, ఓ నాలుగు అక్షరాలు రాసి
నువ్వూ ఒక కవిత రాల్చేసుకుంటే
ఇంకేం పర్లేదు, ఒక కవిగా నువ్వు నిలబడ్డట్లే.

రేపొక ప్రభుత్వ సంస్థ
ఆయిల్ బావులో, సహజవాయువులో
రిలయన్స్ పరం కావాడాన్ని
నువ్విప్పుడే  ఈ దృశ్యాల నుంచే కలగంటే
నీకు ఖచ్చితంగా మూర్ఖత్వం నెత్తికెక్కినట్లే.