జర్నీ

ఒక సుదూర ప్రయాణం,

ఎడతెగని ప్రణయం ఇది.

సాగుతూనే వుందిది,

కీకారణ్యపు చిక్కులతో,

ప్రయాసభరిత మార్గాలలో.

అనేకానేక అవాంతరాలను అధిగమించి 

కఠిన శిలా పరివేష్ఠిత పర్వత శ్రేణులను

అధిరోహించి మాత్రమే

ఆ స్వామిని సమీపించినట్లు

అవును, ఈ యాత్ర సంక్లిష్టమైనదే.

అవధులు లేని అంతరాళాలలో,

అదృశ్య తీరాలకు,వొంటరి లోకాలకు

ఓ దారి తప్పిన శకలం,

నిర్జర నిశీధీ రోదసీలలో,

అనంతానంత దూరాలకు సాగినట్లు...

అవును, ఈ యాత్ర సుధీర్ఘమైనదే.

తల్లి గర్భంలోకి, ప్రవేశించక పూర్వం

బయటి ప్రపంచాలలో,

హాయిగా, ఆనందంగా

విహరించడం కాదు కదా ఇది.