కొన్ని ప్రశ్నలు,.

నిన్ను నీవెప్పుడన్నా ,

సంబాళించుకున్నావా ?

ఏ తప్పు జరుగకుండా,,,,

నిన్ను నువ్వెప్పుడున్నా,

రక్షించుకున్నావా ?

ఏ లోభము వశపరుచుకోకుండా...

నువ్వెప్పుడన్నా,

అలానే నిలబడ్డావా ?

ఏ ఉప్పెనో నీపైకి దూకినప్పుడో,

నిను మొత్తంగా ముంచేస్తున్నప్పుడో...

నిన్ను నువ్వెప్పుడన్నా,

ఎదురొడ్డి నిలబడ్డావా ?

మోహావేశాలు నీపై విరామమెరుగని,

దండయాత్రలు సలిపినప్పుడు

ఇంతకీ ఇప్పుడు నువ్వు,

నిజం చెబుదామనుకుంటున్నావా ?

అలవాటైనా అబద్ధాలతో,

తప్పించుకోవడానికి సిద్ధమవుతున్నావా ?