బేకారీలు 1-5

1

బయట

కొట్లాటల దీపం

ఆరిపోయింది.

లోపల

పోరాటాల ప్రమిదను

వెలిగించుకున్నాక

2

ఉక్కపోతల ప్రయాణాల్లో

ఉక్కిరి బిక్కిరయ్యే తొలకరులు

విడిపోతలైనాక,

మొదలయ్యే తలపోతల్లో

జ్ఞాపకం రాసే మెరుపు రాతలు

పెదలపై పై పూసే నవ్వుల పూతలు.

111015

3

అక్షరానికి

ధ్వేషం తెలయకపోవచ్చు.

భావం చేత

అది సమరానికి

బీజమై మొలకెత్తుత్తుంది.

071015

గమనిక

ధ్వేషం - సమరం, స్థానంలో ప్రేమ - ప్రణయం ఇంకా ఏమైన ఆప్ట్ జంటలను చేర్చుకోని చదువుకోగలరు.

4

పుప్పొడి ప్రయాణంలో

అది ఫలిస్తేనే కదా !

ఓ కొత్త జీవితాన్ని

మళ్లా రాసుకునేది.

221015

5

వంటరిగా వదిలేయ్,

జీవితార్థాన్ని వెతుక్కోవాలి.

అన్నాడతను, దూరంగా నడుస్తూ.

జీవితం

వాక్యంలో అక్షరం లాంటిది.

కలవకుండా అర్థాన్ని అన్వేషించలేవ్,

విలువను ఆపాదించుకోలేవ్

నీకు తెలుసు కదా

అయిదు మందిని

వెతుక్కున్నాకే,

గౌతముడు, బుద్దుడై వెలిగిన సంగతంటూ,

ఓ రెండక్షరాల వాక్యమైంది ఆమె.

091015