అల్పోద్వేగం

1

మార్చుకోవాలిక,. ఈ జీవితాన్ని,.

నాకు నచ్చినట్లు ఎలాగూ వుండలేనప్పుడు,.

నీకు నచ్చినట్లన్నా,. నటించడానికి,..

కొన్ని మార్పులకన్నా,.. అంగీకరించుకోవాలి,.

2

ఇదంతా నిజం అని,.ఒప్పించలేనంత

బలహీనతల భయాలనుంచి,.

బయటపడాలంటే,.

 నీ బలానికి, నేను మరంతగా దాసోహమనాలి,.

3

ఎలక్టాన్లు ఉత్తేజిత స్థాయిని కలగన్నట్లు,.

పాములు పుట్టలకై ఆశపడట్లు,.

సాధారణాలను పక్కన పెట్టి,..

అతితెలివితుత్తర గత్తరల మధ్య,.

చలాగ్గా కదలలేనప్పుడు,.

తలదాచుకోవాలి,.మట్టికడుపుల మధ్య,.

4

బీజాలు బెజ్జాలతో విచ్చిన్నమవుతున్నప్పుడు,.

భయం ప్రవర్థితమై వెలుగుతున్నప్పుడు,.

అహం బ్రహ్మత్వం,.మూర్ఖత్వమై కిరీటమైనప్పుడు,

భిన్నత్వంలో కూడా,.ఒకానొక ఏకత్వం

అసాధారణమైనా,..సంభవిస్తుంటుంది,.

ఇలానే కాకపోయినా,. మరోరూపాలలోనైనా,.