ఇలానే వుండాలని శాసించేదేదైనా వుందా,
మనల్ని మనమే ఇలా నిర్ధేశించుకుంటున్నామా...
జీవితం, అంత సంక్లిష్టమైనది కాదు,
అని తెలిసికూడా,
ఇలా ఉచ్చులో చిక్కినట్లు,
విలవిల లాడుతుండాల్సిదేనా...
సాధారణమైన బతుకు సత్యాలను,
అసాధారణంగా ఊహించుకొంటూ,
ఇలా బిక్కచచ్చిపోవలసిందేనా....
ఒక మామూలు సరళరేఖను,
లక్ష వక్రాలుగల వృత్తంగా మార్చి,
మెడకు బిగించుకొని,
ఉరికంభానికి వేలాడుతున్నట్లు,
గిజగిజ లాడుతుండాల్సిందేనా....
అలానే బతకడం,
మనిషికి మాత్రమే చేతనయైన,
ప్రత్యేక కళమో,కదా....
దేవుడిచ్చిన ఐదుపైసల పాత్రకి,
వందరూపాయల ఓవరాక్షన్ తో ,
అభాసుపాలైన నాటకం కదూ,.
నేటి మన జీవితం..
