బాధ భాష

1

 సమ్జైతలేదు,.ఎంత గిల్లూకున్న,.

గిట్టెందుకై పోనాదో బతుకు,.

గింత కూడా నాకు సమ్జైతలేదు,.

పరాకు మాటోకటి దొర్లిపోనాది,.

మన్నించు,.మాదొర! ,.మన్నించుకో ,.పెబువా!

2

మనసులోపలి బాధ రాతైత లేదు,

గుండెపగిలిన ఘోష గోలైత లేదు,.

ఏమి సేయాలన్న,.వీలైత లేదు,.

నోటి దురదా కొద్ది,. మాటజారింది,

బుర్ర భగభగ మండి గుండమైనాది,,.

పాపాలు,.దోషాలు ఊరకే పోతాయా,.

శాపాలుగా మారి,.కాల్చలేకుంటాయా,.

3

కళ్లు మూసకపోయి,.కొవ్వు పట్టాలేదు,.

వాదాలు,గీదాలు నెత్తికెక్కాలేదు,.

చూడచక్కని మొక్క నీది కాదంటానా,,.

చోటు ఇచ్చిన దాత నువ్వు కాదంటనా,.

ఆనాడు,. చరితలో ఏమి జరిగీనాదో

ఎవరికెవరు అంత మంత్రమేశారో,.

ఎన్ని తంత్రాలేసి,.ఒక్కటైనామో,..

 ఎవరి బుట్టలో ఎవరు,.బొక్క బొర్లడ్డారో,.

ఏ స్వర్గం ఊహించారో,.,ఏ కలలను మోహించారో,.

4

నాదినాదనుకొని,..

ఎరువులే వేసాము,.నీళ్లు పట్టేసాము,.

పాదులే  తొవ్వుతూ,.పాటలే పాడాము,.

కష్టాలు ఫలములై,.మొక్క ఎదిగొచ్చింది,

ఎందరికో చేయిచ్చి,.పైకి తెచ్చింది,

దయతోటి చోటిచ్చి తల్లిచెట్టైంది,.

చెట్టు చుట్టుతా కళ్లాపి చల్లాము,.

ముగ్గులే వేసాము,.పూజలే చేసాము,.

విరగపండిన చెట్టు,కలలు పండిస్తుంటే,.

హాయిగా నీడలో విశ్రమించాము,.

5

కాలాలు గడిచాయి,.స్వార్థాలు పెరిగాయి,.

మొత్తంగా చేజిక్కే సాకు దొరికేసింది,.

ఆరోపణా లొల్లి మళ్లి మొదలైనాది,.

పాది తొవ్వి,  మట్టి దొంగలించామంటివి,.

విశ్రమించి, నీడ దోచుకున్నామంటివి,.

కలలు కని,  చెట్టు ఆక్రమించామంటివి,.

 నా చెట్టే నాకంట నీరు పెట్టించింది,.

నాదన్న ఊరే,. నట్టేట ముంచింది,.

లౌక్యమనుకొని నేను, నవ్వుకోవాలో,.

త్యాగమనుకొని నేను.,.నిబ్బరించాలో,,.

6

ఆశపడి నీడలకు,.

మెతుకులకై వలసొచ్చి,.

చేసినా శ్రమకు, ఇంచ విలువలేక

ఊరుకూరూ పోయి,.దొంగలై పోతిమే,.

భావ ఉద్వేగాలు బుర్రకెక్కించేసి,

తల్లి తరువూనంతా,. దోపిడి చేసి,.

కడుపుకొట్టిన నువ్వు,...దొరవైపోతివి,.

సమ్జైత లేదు,.దొర,. సమ్జైత లేదు,.

నీ గుండెగొప్పలు,..గింతైన, సమ్జైత లేదు,.