అదృష్టము నెత్తికెక్కి
అల్పుడి పంట పండి
మహరాజై మండించినట్లు,
జన్మాంతరమున గుణనిధి
శివుని కృపకు పాత్రుడై
కుబేరుడై జన్మించినట్లు,
రాజకీయ క్రీనీడల క్రీడలలోన
ధూర్తులు, దుష్టులు, నికృష్టులు
చేటులు, నటులు, విటులు
పీఠమర్థక నైపుణ్యులు
పీఠాలపై కొలువైనట్లు,
ప్రజలను పాలించినట్లు,
కాలమున మారిన కోతులు
మనుజులై మురిసినట్లు,
ఖర్మకాలగ, జనుల జాతకములలోన
కిస్మత్తు కిక్కెక్కి, ఒకానొక మహర్ధశనందు,
చెత్తకవనములు చైరెక్కగలేవా!
యశస్సుబొంది
చిరస్థాయిగా నిలవగలేవా!
ఆచంద్రతారార్కకీర్తిని మూటగట్టుకు మెరవగలేవా!
No comments:
Post a Comment