రిప్పు

ఏనాడు గుర్తించలేని గుప్పెడు అభిమానం,

దుఃఖమై పొంగి కన్నీరు కార్చేస్తుంది.

చలిగాలుల చిక్కులు తప్పించుకోలేక

అన్నీ మూసుకున్న శరీరం వంటరిగా,

రేపటి కోసం ఎదురుచూస్తుంది,

భవిష్యత్తుపై కించిత్ బాధలేక.

ఆగిపోయిన పెళ్లి పెనుభూతమై

కావలికాస్తుంది, నిరంతరం వేటాడి

ఇక ఈ రాత్రి శవజాగరణానందంలో.

ఏ బంధాలు బలహీనతలు స్పష్టమై

గీతలు గీసుకుంటాయో చెరగకుండా,

విడవడిన చేతులు, చుట్టుకోలేక వంటిని

ఎక్కడ కాపుకాసాయో, నిన్ను ఎత్తుకుపోను

కమిలిన మెడలు సాక్ష్యాల కొరకు,

పగిలన మది పెంకులు కాష్టాల కొరకు.

మిత్రుల కన్నీరు కాసిన జ్ఞాపకాల కొరకు.
https://www.facebook.com/groups/kavisangamam/permalink/683848108334611/