దేవుడికేదైనా ఒక దివ్యత్వముంటే,
అది ఆయన దుర్భలత్వమే.
ఇప్పుడిక బద్దలుకొడదామంటావ్,
అవతారాల స్ఫూరధ్రూపాన్ని,
వేల సంవత్సరాల గమనంలో,
విడవడని తోడుగా వెంటవచ్చినదాన్ని.
ప్లేస్ తో పనిలేదు, టైమ్ తో గొడవే లేదు
ఒరే పిచ్చప్పా,. నువ్వెన్నయినా చెప్పుకాని
దేవుడిచ్చే కిక్కే కిక్కప్ప.
ఎక్కినోడికి ఎక్కినంత,.
నమ్మినోడికి నమ్మినంత,
నమ్మనోడికి నమ్మనంత.
నువ్వెందుకు సృష్టించబడ్డావంటే,
సమాధానం చెప్పుకోలేనోడ్ని,
వినడానికి చెవులులెనోడ్ని,
చూడటానికి కళ్లులేనోడిని,
ప్రశ్నంచేంత అవివేకం ఆవహించాక,
మిత్రమా,.అనుమానాలు పెనుభూతాలైపోతాయ్.
కొట్టుకుచావడానికి ఆయుధాలెందుకిక,
కాస్తంత అజ్ఞానం చాలు,
చిందించబడిన రక్తాల సాక్షిగా,
తెగిపడిన తలకాయల సాక్షిగా,
దేవుడొక చారిత్రక అవసరం,
విపర్యయమోక తప్పని సత్యం.
No comments:
Post a Comment