పంకజం,

1

కారిన కన్నీటికి విలువ కట్టలేం కాని,

రాలుతున్న కవిత్వాన్ని గంపలకెత్తుకుందాం,.

ఎక్కడెక్కడి అవకాశాలు,

తన్నుకుపోవడానికి,

సిద్దంగా వున్నప్పుడు,

బురదల్లో నేం ఖర్మ,.

సమాధుల్లోనైనా నిద్రిద్దాం,..నష్టమేముంది.

స్పష్టమైన అస్పష్టం,

జీవితమైనా కావాలి,

లేదా కవిత్వమన్నా కావాలి,.

2

అదే బురదలో పొర్లి, పొర్లి

మునకలేసుకుంటూ,

రాసి,రాసి అలసిపోయి నిద్రిస్తున్నారేమో,.

కొత్త కవిత్వంకై కలలు కంటూ,.

గురి పెట్టబడిన, రాళ్లు ఎన్నిపడ్డా,.

నిద్రపోతున్నారా, మిత్రులారా,.

తెలివైన నిద్ర నటిస్తున్నారా,..

3

బుర్రలు పని చేయక పోవచ్చు,

కనీసం మోకాల్లో వున్న మెదడన్నా,

స్పందించాలి కదా,..

ప్రతిఘటించడం, పక్కన పడేయ్,

కనీసం, ఘర్ఘిరించడం చేతకానంత,

బలహీనంగా బురదల్లో ఇరుక్కున్నాక,

పందులు కూడా క్షమించలేవ్,..ఈ చేతకానితనాన్ని.

4

అయినా, అదంతా మనకెందుకు,

పదండి, కొత్త సూత్రాలతో కవిత్వం సాధన చేద్దాం,.

చివరిగా ఒక్క మాట,

వృద్ద సింహం ఒకటి,

వీడ్కోలుకి సిద్దమైంది,.కనీసం

ఒక్క చుక్క కన్నీరైనా కార్చండి,..

అదీ చేతకాదంటారా,..కవిత్వం రాసుకోండి,.