రైలు కట్టమీద సగం తెగిన సెందురూడా
ఖాళీ సీసాలో సివరి సుక్కైన సెందురూడా
ఆలైనా అమ్మవోలె సాకినోడ సెందురూడా
అయ్యబోతే అమ్మకు తెల్లసీరైనా సెందురూడా
పిడికిడంత ఆకాశంలో కోరికంత సెందురూడా
మనసులేని మనసుల్లో సగం తెగిన సెందురూడా
గుటక లేని గొంతులోన గ్రహణమైన సెందురూడా
బీడువారిన భూమిలోన రాయైన సెందురూడా
మోడువారిన జీవుల్లో కాష్టమైన సెందురూడా
నిండిన గూడులో చనుపాలైన సెందురూడా
కనురెప్పల మీద చితికిన నీటి సుక్కైనా సెందురూడా
గంజిలోన మెతుకైనా సగం తెగిన సెందురూడా
పనికోసం పట్నమొస్తే కబురు తెచ్చిన సెందురూడా
నిదుర రాక పొర్లుతుంటే జోకొట్టిన సెందురూడా
మామకోసం కూకుంటే ముద్దిచ్చిన సెందురూడా
అద్దంలో చూసుకుంటే బొట్టైనా సెందురూడా
లేనోళ్లా బతుకుల్లో అమావాస్య సెందురూడా
వున్నోళ్లా జోబుల్లో సగం తెగిన సెందురూడా
సంకురాత్రి కాలంలో ముగ్గైనా సెందురూడా
నీటివోలే
వెంటాడిన జ్ఞాపకాల సెందురూడా
మత్తులేని రోజుల్లో తొంగున్నా సెందురూడా
మోజులేని బతుకుపై తాళమైన సెందురూడా
No comments:
Post a Comment