Pages

1 August 2014

లోల్


అచ్చులో అక్షరం వెలిగిపోయిదా,
ముందు మాటల సొల్లు తడిపిపోయిందా.

నువ్వెట్ట కవివిరా సోదరా
కనికట్టు కనరా మిత్రుడా!

తాగితూగి నువ్వు మందు పార్టీలల్లో
వీరకృత్యాల్ చేసి శోభించినావా
కుళ్లు జోకుల మీద శయనించినావా

నువ్వెట్ట కవివిరా సోదరా
కనికట్టు కనరా మిత్రుడా!

సన్మాన పత్రాలు రాయించుకున్నావా
ప్రశంసలా పూలెన్నో చల్లుకున్నావా.

నువ్వెట్ట కవివిరా సోదరా
కనికట్టు కనరా మిత్రుడా!

పుస్తకం అచ్చేసి
అవార్డులను పట్టి
ఫోటోలు తీయించి
పేపర్లో వేయించి
ఫేసుబుక్కుల వాలు ఎక్కించినావా
విజిటింగ్ కార్డులా పంచి పెట్టావా

నువ్వెట్ట కవివిరా సోదరా
కనికట్టు కనరా మిత్రుడా!

ఎవడైన దండేసి దండమెట్టాడా
 ఓ శాలువా కప్పి నీ కళ్లు తుడిచాడా

నువ్వెట్ట కవివిరా సోదరా

కనికట్టు కనరా మిత్రుడా,.,

1 comment: