Pages

16 April 2014

వివక్ష



ఎంత ప్రేమగా పట్టుకున్నాను దాన్ని.

నా చేతులతో లాలనగా నిమురే లోపే,
విసురుగా ఎగురుతూ,
నా నల్లటి చేతులపై తెల్లటి గీతలు రక్కుతూ,
తెల్లటి రెట్టేసి ఆ తెల్ల పిట్ట
ఎంత అహంకారంగా ఎగిరిందది.
నా రంగుని అవమానిస్తూ.

ఒకే ఒక్కదెబ్బ,
మెడవిరిగి, రెక్కలు తపతపమని కొట్టుకుంటూ
చచ్చింది, ఆ తెల్లపిట్ట.

2
వీడి చేతులు పడిపోను
బంగారంలాంటి దాన్ని పొట్టనబెట్టుకున్నాడు
మట్టిగొట్టుకుపోతాడు ఈ రాక్షసుడంటూ
తిడుతూ, శాపనార్థాలు పెడుతూ
దుమ్మెత్తిపోస్తుంది లోకమై
మూలనకూర్చున్నముసల్ది
ఇంకేమీ చేయలేక.

No comments:

Post a Comment