ఒక దారి కోసం

ఏది గమ్యం ఏది సత్యం

మిత్రమా నాకేది మార్గం

వేల వలలు పరచబడినవి

అనంత దుఃఖపు లోతులున్నవి

శిఖరమల్లే సంతోషమున్నది

అంతులేనివై ఆశాపాశం

శృంఖలాలై బంధించుచున్నవి,.

ఏది సత్యం ఏది గమ్యం

మిత్రమా నాకేది మార్గం

రాగద్వేషం లోకపురీతై

ప్రపంచమంతా కదనరంగమై

అహంకారమే కాలసర్పమై

కదలికలేని కభోధినైతిని

వెలుగులు ఎరుగని  నిశిధినైతిని

ఏది మోహమో, ఏది మోక్షమో

కనుగొనలేక కన్నీరు కార్చితి.

నన్ను నన్నుగా నిలిపే మంత్రం

సర్వబంధాలు ఛేదించే తంత్రం

ఎండమావులై మిగిలిన వైనం

ఏది గమ్యం ఏది సత్యం

మిత్రమా నాకేది మార్గం.